I marry my husband last year. Immediately we marry, nain I get belle. I just born our first pikin this March wey just pass.
My husband na sailor, so he travel go back to work since last month.
Na only me, my mother in law and my sister dey stay for our house.
When I born, my mother in law come stay with me. Me and she never ever get problem before until she say we suppose give my pikin mark for face.
Fear catch me, I say wetin be dat?
She say e dey important for dia culture, so dat people go know say na dia pikin. I tell her say nobody wey nor nor say na dia pikin.
When I tell my husband, he laugh say na joke him mama dey joke.
But since my husband travel, she don dey pressure me every day. I dey fear say if I leave pikin for her go market or hospital, she fit give am mark before I come back.
Wetin make I do?